من طرف بسم الله الرحم الرحيم
ازيكم يا قمرات
انا كنت وعدت انى هانزل
البتزا بتعتى
اللى مجننه الكل
هما اللى بيقولوا مش انا
وطبعا بتكاتى الخاص
وطبعا محدش من اهل جوزى كلها غييير
ماشكر فيهايعنى انا بديكم مثال عشان
الكل عااارف انهم مش بيعرفوا يجملوا
ولا بيعجبهم حاجه حد
هههههههههه
يمكن اقول دودو صحبتى بتجملنى
عشان انا صحبتها الوحيده هههههه
او جوجو اختى يعنى بما انى انا اختها
وكل الى داقوا البيتزا يقولولى العجينه بتاعتها
طعمها تحفههههههه
المهم كفايه رغى
معلش انا رغايه عااارفه
اولا المقادير
الجافه
كوب ونص دقيق
1معلقه كبيره لبن بوده
ذره ملح
امعلقه صغيره سكر
رشه بصل بودره
رشه توم بودره
رشه زعتر
رشه روز مارى
نص معلقه صغيره بيكنج بودر
معلقه صغيره خميره جافه
ودى صوره المقادير الجافه
المقادير السائله
كوب الاربع لبن للعجن
ثمن كوب زيت اى زيت الى عندك
امعلقه خل صغيره اةةة خل اسمعى الكلام
ودى صورتهم
ثالثا المكونات ودى كل واحد حسب امكانيته انا انهارده عملتها فطار لودى فعملها جبن وهاقول على كذا نوع منها وتعمليه ازاى
طبعا المشروم انا مشوحاه فى بصله وحاطه عليه ملح وفلفل
ودى الجبن
انا حاطه رومى وفلمنك ونستو وشيدر
وبسطرمه وزيتون
والخضار طماطم وفلفل رومى وممكن تحطى فلفل حامى لو انتى بتحبيه
وطبعا انا بدهن وشها كاتشاب اةةة كاتشاب
هاقولك لييه انا عامله المشروم بالبصل ولو عملتها صلصه بيتزا هاتبقا كلها بصل فى بصل ههههههههههه
وطعمها كمان بيبقا حلو
ودى علبه المشروم اللى انا بستعملها على طووووووووووووووووول
حلوه اوى ونوعها نضيف
نيجى بقا للطريقه سهله جدا
اولا هانضع المقادير الجافه مع بعض ونقلبهم
ثانيا نضع الزيت ونقلب
ثالثا الخل ونقلب
رابعا اللبن بقا نحطه واحده واحده ونعجن
لحد مالعجينه تبقا حلوه كده ولا هى ناشفه ولا طريه
وده شكلها بعد ماعجنتها
ونسيبها 2 ساعتين تخمر
وبعد كده تجيب صنيه وسط يعنى ولا كبيره ولا صغيره
وندهنها زيت
ندهنها مش نغرقها
وبعدين نفردها هاتتفرد كعنا بمنهى السهوله
طبعا عشان الخل واللبن كمان مخليها طريه
ونخرمها بالشوكه كده
وبعدين ندهنها كاتشب كده
وبعدين نرص المشروم
وبعدين الطماطم والفلفل كده
وبعدين الجبن والزيتون لحد ماهنوصل لكده
وبعدين نكون مسخنين الفرن كويس ونسويها طبعا حسب كل فرن وحسبك سواكى انت وبعدين على الشوايه وطبعا مانسبهاش كتير عشان ماتحمرش اوى وتنشف يادوب المكونات تسيح واهى اما طلعت طبعا انا ماستحملتش دوقتها على طول قبل مااصورها اهىىى
ودى من ظهرها شووفى لونها حلو ازززاى
وكده اتكلت على خييييير
نيجى بقا للمعلومه يمكن كتير منكم يعرفها البصل البودر
والتوم والزعتر والروزمارى مش غاااااالى والله هاتجيبى 1 جنيه من العطار هاتهييسى بيهم دى للمعلومه
ثانيا صلصه البيتزا لو انتى مش عاوز تحطى كاتشب فيه طرقتين
1 تجيبى بصله وتحطيها على النار
وتسبيها تصفر وتحطى عصير الطماطم
وتتبليها ملح وفلفل
وتوم وروز مارى وزعتر تبقا طعمها تحفه برده
2 تجيبى معلقه صلصه الى هى اكياس او برطمنات
وتخفيها بحبه مياه صغيره وتتبليها برده زى التانيه
انا بحب اعمل بيتزا بالجمبرى وهى مش
مكلفه زى بره
بجيب نص كيلو جمبرى الى هو متقشر بيبقا وسط النص بحوالى 20جنيه
بجيبه واغسله كويس وارش عليييه شويه خل عشان الريحه
واجيب طاسه احط فيها شويه زيت واول مايسخن انزل بالجمبرى عليه
يادوب تقليبتين
واعصر عليه نص لمونه واتبله
ملح قليل جدا وزعتر وروز مارى واشيله واحطه على البيتزا
اوعىىىىىىىىى
تحطيه نى ليبقا زفر
وتقرفى منه وترميه
والنص كيلو بيعمل اكتر من 4 بيتزات
شوفتى التوفييير بقا
المقادير الى انا عملها فووووق دى
مقادير صنيه واحده
لوعاوزه تضاعفى انتى وراحتك انا هاوريكى بقا صنيه كنت عمها فى راس السنه دى كانت 3 اضعاف المقادير
يعنى تضربى المقاجدير فى 3
هههههههه
ودى رجل شهد ههههه انا عملت ايييه ودى صوره كامله للوليمه
وهنا اانا كنت عاملها بالسوسيس والجبن والمشروم وكنت عامله اصناف جنبها كب كيك و كيكه شيكولاته
وروانى
وبسبوسه وباستا فلورا
وسمبوسك وتشيكن روول
وتشيز كيك
والسلام ختاااااااام
اللى اللقاء فى موضوع اخر
